Tanh brai vai khăn ‘noh jĭ 1 tơdrong jang joăt joe đei đơ̆ng kră sơ̆, jĭ 1 tơdrong ‘lơ̆ng hơiă gĭt kăl kơ lơ hơdrĕch hơdrŭng. Hăm bơngai Êđê, tơdrong jang tanh brai vai khăn đa yua đơ̆ng drŏ kăn tanh, ‘moi kiơ̆ lơ jơhnơr păng đei chĕp vei truh dang ei. Kâu lak ƀô̆ Tanh brai vai khăn joăt joe kơ bơngai Êđê plei Drai Hling đei pơjing kiơ̆ tơdrong tơchơ̆t đơ̆ng Anih vei lăng kon pơlei pơlei tơm Buôn Ma Thuột, đei 15 ‘nu vang tanh ‘noh jĭ drŏ kăn Êđê tơ̆ 3 pơlei lơ̆m xăh Hòa Xuân vang jang.

‘Nâu jĭ tơdrong jang kiơ̆ trong tơlĕch jang đơ̆ng Anih vei lăng joh ayŏ, tơplŏng kơdâu păng tơmang lăng Dak Lak găh tơdrong jang “Vei răk, tơƀăk mong kơjă kăp gĭt joh ayŏ joăt joe ‘lơ̆ng hơiă kơ dôm hơdrĕch kon kông tơklep hăm hơtŏk tơiung tơmang lăng” găh tơdrong jang tơm teh đak hơtŏk tơiung mŭk drăm tơring kon pơlei kon kông păng tơring groi kông, đơ̆ng jên tơdrong jang sơnăm 2022-2023.