Kiơ̆ kơdră chĕp kơ̆l dêh char Dak Lak, lơ̆m sơnăm âu ki, mă đơ̆ng tơƀơ̆p lơ mơmat tat long nol mă lei dêh char hơnơ̆ng pơvei hơtŏk tơiung mŭk drăm - tơpôl, akŏm jên, tơmam jang păng tŭn hrĕnh tơlĕch jang dôm Tơdrong jang tơm teh đak păng dôm tơdrong jang tơmơ̆t jên jang teh đak. Dôm tơdrong jang pơgang, joh ayŏ, tơplŏng kơdâu, tơmang lăng, khoa hŏk, kơmăy kơmŏk, kơtơ̆ng ang, pơtho pơhrăm iŏk đei lơ jơnei ‘lơ̆ng.

Lơ̆m jơnei atŭm ‘noh đei tơdrong tơgop gĭt kăl đơ̆ng khŭl bơngai hŏk jrŭ, joh ayŏ kơdŏ soang, chih kơtơ̆ng ang tơ̆ tơring. Sơnăm 2024 jĭ sơnăm pơm jang ‘lơ̆ng, hrĕnh bơ̆jang kiơ̆ jơnei dôm tơdrong hơgăt, hơnăp jang đơ̆ng pơđĭ jăl jang Hop akŏm Đảng bộ, kơdră chĕp kơ̆l dêh char Dak Lak ‘meh vă khŭl hŏk jrŭ, joh ayŏ kơdŏ soang, chih kơtơ̆ng ang lơ̆m dêh char hơnơ̆ng plang jơhngơ̆m lơ hloh dơ̆ng lơ̆m rim tơdrong jang vă tơgop pơjing Dak Lak pơdrŏng ‘lơ̆ng, hơgei.