Đăk Lăk tơgŭm 2 pơlei hơtŏk jang tơmang pơhiơ̆ pơlei pơla
Thứ năm, 10:20, 06/04/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar – Lơ̆m xơnăm âu, dêh char Đăk Lăk đei 2 pơlei đei iŏk tơgŭm vă hơtŏk jang tơmang pơhiơ̆ pơlei pơla hăm pơkăp 1 tih hlj ăn minh pơlei. Noh jing pơlei Kuôp, xăh Dray Sáp, apŭng Krông Ana păng pơlei Trí, xăh Krông Na, apŭng Buôn Đôn.
Tơ̆ pơlei Kuôp đei jê̆ 70% kon pơlei Ê Đê păng Mnông erih jang xa. Dang ei, pơlei oei vei đei 50 tŏ hnam pơtăm juăt jue, đei lơ khôi xoi tơbeh, tơdrong jang kră xơ̆, tơdrong pơm brŏ kon kông păng lơ tơmam xa juăt jue. Tơjê̆ pơlei đei 2 anih gru grua kiơ̆ pơkăp kơ teh đak noh tơkơi Drai sap Thượng păng tơkơi Drai Nu tŏk bŏk oei pơih 'măng pơm jang tơmang pơhiơ̆. Tơ̆ pơlei Trí đei 11 hơdrung bơngai atŭm erih jang xa. Lơ̆m pơlei dang ei oei vei truh 117 hnam pơtăm juăt jue, hnam hơkŭm tơpôl păng đei lơ anih tơmang pơhiơ̆ tăp dăr, pơjing tơdrong tơmang pơhiơ̆ xơđơ̆ng, đei lơ tơdrong rơih tơmang ăn tơmoi ƀơ̆t năm truh tơ̆ Buôn Đôn.
Viết bình luận