Dak Lak: Tơlĕch tơdrong jang chĕp vei păng tưk tơiung tơdrong jŏh ayŏ kăp gĭt yoa Hàn Quốc tơgŭm
Thứ năm, 08:08, 20/04/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê (19/4), Anih vei lăng jŏh ayŏ kơ dŏ xoang, pơplŏng kơdâu păng chă tơmang lăng Dak Lak pơm lêh tơlĕch tơdrong jang "Chĕp vei păng tưk tơiung kơjă kăp gĭt đơ̆ng dôm tơdrong jŏh ayŏ kơdŏ xoang tơ̆ dêh char Dak Lak" yoa Hàn Quốc tơgŭm, hăm kơsô̆ jên truh 55 rơbâu USD, bơ̆ jang lơ̆m sơnăm ‘nâu.
Lơ̆m tơdrong jang âu, Dak Lak vă pơgơ̆r pơih lăm pơtho găh tơdrong pơma pơđơ̆k ăn druh dăm Rađe tơ̆ apŭng Cư Mgar; pơtho tôn chĭng hơdai hăm hơxoang ăn bơngai Jrai tơ̆ apŭng Ea Hleo. Ƀơk 5 sơmrŭk chĭng chêng Jrai păng Rađe ăn dôm apŭng Ea Hleo, Krông Năng, Cư Mgar, thĭ xăh Buôn Hồ păng plt Buôn Ma Thuột. Ƀơk 124 blăh hơbăn ao bơngai Rađe, Jrai ăn dôm khul tôn chĭng, khul hơri hơxoang tơ̆ dôm tơring.
Pơgơ̆r chih akŏm, hyup iŏk nơ̆r đe pơma pơđơ̆k, chih hơmet, tơblơ̆ tơ̆ 2 nơ̆r Yoăn păng Rađe; in kơsơp hla ar păng pơm phim vă chĕp răk nơ̆r pơđơ̆k pơyoa ăn tơdrong jang roi tơbăt păng chĕp vei dôm kơjă kăp gĭt đơ̆ng jŏh ayŏ kơ dŏ xoang tơ̆ dêh char.
Viết bình luận