Lơ̆m 2 năr hơtuch giĕng âu ki, tơ̆ Trong hla ar pơgơ̆r dôm tơdrong jang ‘lơ̆ng hơiă nhen: roi tơƀôh hla ar hơioh Cà Nóng chă năm tơmang lăng Trường Sa păng pơma dơnuh hăm bơngai pơcheh Bùi Tiểu Quyên; roi tơƀôh hla ar tơroi Dế Mèn phiêu lưu ký păng pơma dơnuh hăm dôm bơngai chih pơđơ̆k joăt kơ chih ăn hơioh; pơma dơnuh hăm bơngai chih pơdơ̆k Tống Phước Bảo tơ̆ pơlei tơm Hồ Chí Minh găh hơnăn “Bơ̆n hăm ‘meh pơm bơngai chih pơđơ̆k”.

Vang akŏm tơdrong jang, đe oh hơioh oei đei asong dôm kơ sâp hla ar tơroi hơioh đe ư hơnhang hen: Đất rừng phương nam, Trên đồi gió thổi, Năm đứa trẻ xóm đồi dăh mă Dế mèn phiêu lưu ký. Lơ̆m jơnăr pơgơ̆r tơdrong jang, Khŭl joh ayŏ kơdŏ soang Dak Lak pơdrơ̆ng kiơ̆ tơdrong jang “Asong hla ar joh ayŏ kơdŏ soang ăn kơ hơioh tơring hơtăih hơtŏ” đơ̆ng Khŭl chih pơđơ̆k Việt Nam hlôi asong 600 blăh kơsâp hla ar hơioh ăn kơ đe oh vang truh akŏm.