VOV4.Bahnar - ‘Năr 1/5 truh âu kơnh, tơ̆ plt Buôn Ma Thuột, Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng dêh char Dak Lak vă jang hơ doi hăm Bơ ngai chih pơ chĕh ƀai hơ ri Nguyễn Cường pơ gơ̆r Gơ măng jŏh hơ ri “Truh hăm Groi kông” păng pơm tông Đon hơ pơi đơ̆ng Dam San.

Joh hơ ri pơm tông Đon hơ pơi đơ̆ng Dam San vă pơ gơ̆r lơ̆m ‘năr 1/5/2022

Tơ drong pơ chĕh, pơm tông hơ ri Đon hơ pơi ‘mĕh Dam San đei Dơ nŏ anih vei lăng kon pơ lei dêh char Dak Lak kĭ đơ̆ng sơ năm 2020 hăm đon hơ pơi ‘mĕh pơ jing đei 1 tơ drong jŏh hơ ri tih ăn tơ drong jŏh hơ ri hơ xoang Việt Nam, pôk pơ ư jơ hngâm đon ‘mĕh jang tŏk đơ̆ng kon pơ lei bơ ngai Rađe tơ̆ Tây Nguyên lơ̆m jơ hnơr arih păng đơ̆ng Dak Lak hrei ‘nâu.

Ƀai pơ chĕh yoa đơ̆ng Bơ ngai chih pơ chĕh ƀai hơ ri Nguyễn Cường chih tơ lĕch păng pơm bơ ngai chĕp kơ̆l pơ gơ̆r pơm tông, nghệ sĩ nhân dân Y San Alio pơm bơ ngai pơ tho hơ xoang; dôm bơ ngai jŏh hơ ri hơ xoang lơ̆m Khul jŏh hơ ri hơ drĕch kon kông Dak Lak pơ tâp pơ hrăm lơ̆m dang 2 sơ năm păng hlôi đei pơ gơ̆r pơm pơ long năng ƀât hơ tuch sơ năm 2021.

Dơ̆ng: Tơ blơ̆