Trong gre treng Đà Lạt – Trại Mát kơ jung 6,7km, jĭ trong uơ oei đơ̆ng trong Tháp Chàm - Đà Lạt, kơjung 84 km, tơƀưh Ninh Thuận hăm Lâm Đồng ăn tơmơ̆t lơ̆m iŏk jang sơnăm 1932, yua đơ̆ng bơngai Phalăng pơm. ‘Nâu jĭ trong gre treng ‘lơ̆ng hơiă hloh tơ̆ Việt Nam pơvih pơvăn ăn tơmoi tơmang lăng pơlei tơm Đà Lạt.

Trong gre treng gơmăng Đà Lạt – Trại Mát đei hơnăn krao “Trong yak gơmăng Đà Lạt” kơ dâu hiơ̆, akŏm jơ kơdâu brŏk năm ‘noh 1 jơ, đei Kŏng ti tơm Trong gre treng Việt Nam ăn tơmơ̆t chơ tơmoi đơ̆ng 6jơ 15 pơ nĭt kơ sơ̆ truh 9 jơ 20’ gơmăng rim năr. Vang truh akŏm trong gre treng gơmăng âu, ‘ngoăih đei chă lăng hơnih ‘lơ̆ng tơ̆ gơmăng Đà Lạt, tơmoi oei đei mơ̆ng, lăng joh ayŏ kơdŏ soang, et sa tơ̆ gơmăng kiơ̆ ‘meh vă.