‘Nâu jing minh lơ̆m lơ khôi juăt kăp gĭt kơ dôm pơlei pơla kon kông tơ̆ dêh char Gia Lai, oei lơ̆m Mŭk drăm joh ayŏ chĭng chêng Tây Nguyên.

Et jur jang jing tơdrong et xa kiơ̆ khôi juăt kơ kon pơlei Bahnar păng kon pơlei kon kông nai tơ̆ Tây Nguyên, hơnơ̆ng đei pơgơ̆r hơdrol kơ pơyan jang ƀa mir lơ̆m sơnăm, apinh ăn tŏ ‘mi kial gơh sơđơ̆ng, ưh đei ƀơm pơrang pơrăm, pơyan choh jang gơh giơ̆ng ‘lơ̆ng.

‘Nâu adoi jing ‘măng vă kon pơlei tơ̆ rim pơlei pơla akŏm pơchơt sô̆.

Kiơ̆ Anih jang vei lăng kon pơlei apŭng Đăk Đoa, tơdrong hơmet pơgơ̆r dơ̆ng tơdrong et jur jang tơ̆ pơlei Hnap jing minh pah lơ̆m Tơdrong pơkăp jang Vei răk tơƀăk mong kơjă kăp gĭt joh ayŏ juăt jue kơ kon pơlei kon kông păng kơhret tơdrong tơguăt tơguăl lơ̆m pơlei pơla, tơgop hơtŏk tơ-iung mŭk drăm – tơpôl tơ̆ rim pơlei pơla.