VOV4.Bahnar - ‘Năr 28/4, Khŭl bơ̆ jang kơ Jơ nŭm vei lăng tơ drong gru groa joh ayŏ kơ teh đak đei jơ bơ̆ jang hăm Anih vei lăng kon pơ lei dêh char Gia Lai găh athei đơ̆ng UNESCO hăm dôm tơ drong gru groa gĭt kăl kơ kon bơ ngai, vei răk păng tơ ƀăk mong kơ jă kăp gĭt tơ drong gru groa kơ teh đak. Dêh char Gia Lai đei 33 tơ drong gru groa hlôi đei chih tơ mơ̆t. Lơ̆m noh đei tơ drong gru groa Tây Sơn Thượng đạo (Thị xã An Khê) đei drơ̆ng ‘noh jĭ tơ drong gru groa kơ teh đak gĭt kăl, kŭm hăm 8 tơ drong gru groa kơ teh đak păng 16 tơ drong gru groa kơ dêh char. Hơ dai hăm ‘noh, Tơ drong tôn chĭng chêng, hơ ri hơ ‘mon bơ ngai Bahnar, lêh apĭnh đak ‘mi jruh đơ̆ng yang pơ tao ŭnh, đei tơ mơ̆t lơ̆m hơ năn tơ drong gru groa gĭt kăl kơ teh đak.

Jơ bơ̆ jang đơ̆ng Jơ nŭm vei lăng tơ drong gru groa joh ayŏ kơ teh đak hăm dêh char Gia Lai

Hăm hơ nih gru groa An Khê păng apŭng Đak Pơ, dôm sơ năm tơ jê̆ âu hlôi chă ƀôh lơ tơ mam đei kơ jă kăp gĭt, đei đunh kơ âu dang 80 rơ bâu sơ năm, đei lăng jĭ tơ drong pơ̆ih blŭng kơ jơ hnơr arih Việt Nam. Mă lei, tơ drong vei răk dôm tơ drong gru groa kăp gĭt âu oei đei lơ mơ mat. Tơ̆ jơ bơ̆ jang, dôm bơ ngai jang lơ̆m Jơ nŭm vei lăng tơ drong gru groa kơ teh đak athei, hơ dai hăm tơ drong kăl jang ‘lơ̆ng tơ drong jang vei răk, dêh char Gia Lai kăl kơ lăng dôm tơ drong gru groa joh ayŏ ‘noh jĭ tơ mam gĭt kăl vă hơ tŏk tơ iung mŭk drăm, yak truh pơ jing Gia Lai jing hơ nih năm truh gru gra tơ̆ Tây Nguyên.

Thuem: Tơ blơ̆