Giĕng lêh Joh ayŏ tơ mam sa dêh char Gia Lai đei 27 kơ deng tơ mam đơ̆ng dôm anih tĕch mơ dro pơ vih pơ văn et sa, hnam tĕch mơ dro tơ mam et sa, hnam hô tel lơ̆m dêh char.

Dôm kơ deng tơ mam pơyua ăn dôm tơ mam sa ‘lơ̆ng kơ kon pơ lei kơ tă naih nhen: iăr phang, pơ lăh đing, hla ƀlang, pro har. Kŭm hăm ‘noh jĭ dôm tơ mam ‘lơ̆ng đơ̆ng dôm dêh char nai nhen: gỏi tơ beh, gỏi ba khía, lẩu ly, kem ‘nhui; dôm kơ loăi ƀĕng sơ̆ nhen: ƀĕng ƀeo păng lơ ƀĕng nai nŭng hăm hla prit rok Huế.

Hơ dai hăm dôm kơ deng tơ mam sa, lơ̆m 4 năr pơ gơ̆r, oei đei dôm tơ drong jang roi tơ ƀôh găh dôm tơ mam sa ‘lơ̆ng kơ dêh char Gia Lai.