‘Nâu jĭ tơdrong đei lơ̆m gĭeng Jŏh ayŏ kơ dŏ xoang – Chă tơmang lăng Gia Lai sơnăm 2023. Tơ̆ jơ pơm lêh, 6 khul tôn chĭng, hăm vă jê̆ 200 ‘nu bơngai tôn truh đơ̆ng dôm xăh, thĭ trơ̆n lơ̆m apŭng Chư Păh vang tôn, hơxoang tôch hơiă tơ̆ rông plei Ia Gri vă sơng dôm bơngai tang măt păng tơmoi chă tơmang lăng truh akŏm.

Giĕng lêh Pơkao dur yoăn- Kông unh Chư Đang Ya sơnăm 2023 vă pơgơ̆r truh đĭ ‘năr 12/11, đe ngê̆ nhơ̆n tơ̆ apŭng Chư Păh vă akŏm lơ̆m dôm tơdrong tanh hơkăt, tanh brai vai khăn, chrăh mul, pơm tơmam tôn reh kon kông, dôm tơmam pơyoa ăn tơdrong arih xa kơ bơngai Jrai, Bahnar… vă pơvih ăn tơmoi truh tơmang lăng. Tơdrong ‘nao đơ̆ng "Giĕng lêh pơkao dur yoăn – kông unh Chư Đăng Ya" sơnăm 2023, ‘nŏh kon pơlei tơ̆ tơring păng tơmoi chă tơmang lăng oei lăng ngôi tơdrong joh hơri hăm hơnăn “Tôch hơiă jơva pĕh ƀa”.