Kiơ̆ Anih vei lăng jŏh ayŏ kơdŏ xoang, tơplŏng kơdâu păng chă tơmang lăng Gia Lai, glơ̆k tơ̆ đak oei jing tơdrong tơm pơm lôch răm lơ ăn hơiŏh păng đe druh dăm păh iung tơ̆ dêh char. Đơ̆ng blŭng sơnăm truh dang ei, lơ̆m dêh char đei 22 ‘măng glơ̆k, pơm ăn 30 ‘nu hơiŏh lôch, pơm tơlĕch kơbăt dang yơ tơdrong ơ̆h sơ ‘ngon ăn unh hnam. 

Tơ̆ jơ pơm lêh, đe ŏh hŏk tro đei roi tơƀôh dôm tơdrong kăl păng pơtho tơƀôh găh tơdrong: dŏng hơmet ăn bơngai glơ̆k; dôm tơdrong kăl mưh hơmet ăn bơngai glơ̆k dăh mă pơ̆k rơka; trong dŏng, glơi iŏk mưh ƀôh bơngai glơ̆k. Đei lơ̆m tơdrong jang âu mơ̆n, Anih pơgơ̆r pơih pơgơ̆r tơdrong thi glơi dêh char Gia Lai sơnăm 2023, hăm 150 ‘nu bơngai vang thi găh 5 chăl sơnăm phara băl đơ̆ng 7 truh 17 sơnăm.