Tơdrong akŏm đei pơgơ̆r đơ̆ng dang ei truh năr 6/12, hăm lơ tơdrong nhen: Hop akŏm tơbang, hơtŏk tơmang pơhiơ̆; pơtăm pơkao ban; akŏm joh ayŏ kơdŏ suang pơma dơnuh hăm hơnăn Điện Biên - Tây Bắc – pơlei tơm HCM pơtoi păng hơtŏk tơ-iung; pơrok kiơ̆ trong kơphô̆ hăm hơnăn “Điện Biên – akŏm lơ um ai".

Lơ̆m dôm năr akŏm Giĕng lêh noh tơbang um rŭp đơ̆ng tơdrong Jơnei tih Điện Biên Phủ ah sơnăm 1954 truh tơdrong Jơnei tih puih mak sơnăm 1975. Tơ̆ lêh pơtơm, kon pơlei pơlei tơm HCM păng tơmoi đơ̆ng teh đak đe đei akŏm atŭm lơ̆m cham char joh ayŏ tơring groi kông, hơlen băt gah joh ayŏ bơngai kon kông: Thái, Mông, Hà Nhì, Dao; akŏm lơ̆m khôi et xa Tằng Cẩu kơ bơngai Thái - Sơn La păng dôm tơdrong chă tơbang tơroi gah joh ayŏ, tơmang pơhiơ̆, tĕch pơdro, choh jang xa kơ dêh char Điện Biên, Sơn La.