VOV4.Bahnar – Nge# nhơ\n H’Ƀim Kƀuôr (juăt krao noh Amĭ Blan), 50 xơnăm, oeit ơ\ pơlei Ƀling, xăh Čư̆ M’Gar, apu\ng Cư̆ M’Gar, dêh char Dak Lak jing bơngai tơguăt tơnăp hăm joh ayo\ juăt jue. Dôm xơnăm kơ âu, yă hơnơ\ng nhan chă ho\k hơlen dôm kơjă joh ayo\ kră xơ\ kơ hơdrung hơdre\ch po. Ưh adro# nhan kơ tơdrong hri kră xơ\, pơdreh tơdra kon kông, yă H’Ƀim oei kloh kle\ch găh tanh brai, tanh jo\ng jat.

Mih ma duch nă... 'nao mơ\ng bơih tơdrong hri Eirei kơyuơ nge# nhơ\n H’Ƀim Kƀuôr hri. Kon pơlei tơ\ pơlei Ƀling hơnơ\ng krao yă H’Ƀim noh nge# nhơ\n gơh rơgei. Yă rơbot lơ [ai hri Eirei, hăm tơdrong pơđơ\k pơtih hơbe\ch hơbal, yă gơh hri Eirei găh rim hơnăn lơ\m tơdrong erih rim năr. 'Nguaih kơ noh yă oei gơh hri tơdra kưt, mă xơ\ ki noh adro# đe nge# nhơ\n dro\nglo đe\ch hri.

Kiơ\ khôi kơ bơngai Ê Đê, rim 'măng ưh kơ 'lơ\ng hơkâu, đe hơnơ\ng hri eirei vă pơhlai jơhngơ\m đon unh hnam bơngai lôch, tơroi găh tơdrong erih kơ bơngai hlôi lôch. Đei [ơ\r hri hlăng 'lơ\ng rơmuơn pơm vơch đon bơngai mơ\ng, noh rim 'măng unh hnam yơ ưh kơ 'lơ\ng hơkâu tơ\ rim pơlei pơla ataih je#, đe hơnơ\ng hơvơn nge# nhơ\n H’Ƀim Kƀuôr truh hri eirei.

Rim bơngai lăp kơ tơdra hri eirei atu\m hăm [ơ\r hri hiôk đơ\ng nge# nhơ\n âu. Yă H’Ƀim Kƀuôr tơroi, rim 'măng năm hri tơ\ hnam đe ưh 'lơ\ng hơkâu noh hri măng khe\ 'ngah hloi, hri vă pơhlai đon bơnôh unh hnam, hri tơroi kơ tơdrong erih bơngai hiong, duh nhen hri găh tơdrong tơhưch hơdruh tơdăm, pơtho kon xâu erih mă tro\ mă 'lơ\ng. 'Nguaih kơ noh yă duh năm hri lơ\m dôm tơdrong et xa kơ pơlei pơla, pơdăh joh ayo\ kơdo\ xuang, ako\m joh hri hăm dôm tơring nai: “Inh năm hri Eirei lơ hloh lơ\m tơdrong ưh kơ 'lơ\ng hơkâu, ăh hnam hơku\m tơpôl, lơ\m dôm tơdrong ako\m et xa, inh adoi năm hri tơ\ dôm xăh, apu\ng nai păng dêh char nai hloi. Dôm [ai hri mă inh tam băt noh inh mơ\ng đe hri đang kơ noh chih io\k ho\k [oi. Đei [ai inh hri tơroi găh tơdrong tơnap tap păng [rơ\k jơhngơ\m noh nhơ\m đe\ch bơih. 'Nguaih kơ noh inh adoi tanh jo\ng jat, păng hri răh eirei…”

Nge# nhơ\n H’Ƀim tơroi: đon lăp kơ tơdra hri kră păng tơmam pơdreh tơdra hlôi hram lơ\m xe\ch pham yă đơ\ng oei 'la#p, rim 'măng kiơ\ me\ [ă năm jang tơ\ mir, tơmơ\ng tơdra đing năm kơ [ok, [ă yă noh kơdih chă ho\k hơlen trong hlôm păng truh ăh 14 xơnăm yă hlôi kloh kle\ch đing năm păng minh [ar tơmam pơdreh tơdra nai nhen đing tut, đing mbuôt... Ưh adro# rơgei tơtol găh hri tơdra kră, kloh kle\ch găh tơdra kon kông, rơgei tanh kơđum kơđo\ng jo\ng jat, yă oei băt tanh brai hăm trong dônh dok kăp g^t hloh.

Tơdrong erih 'nao, tơdrong jang joh ayo\ đei lu\k lơ\k. Đe mơlôh hrei âu 'meh ako\m hơlen dôm tơdrong 'nao, păng ưh đei tơnăp hăm joh ayo\ juăt jue. Pơngơ\t hăm tơdrong mă noh, nge# nhơ\n H’Ƀim Kƀuôr hơnơ\ng krao đe hơ ioh năm truh tơ\ hnam; vă tanh răh hơkă păng hri răh eirei, tơroi găh joh ayo\ po ăn kon xâu băt 'mêm hloh kơ tơdra hri kon kông, um ai joh ayo\ 'lơ\ng ro\ kơ hơdrung hơdre\ch kon kông po: “Inh 'meh pơtho  khan kon xâu băt păng lăp kơ joh ayo\ kon kông po. Mưh nhen bơ\n tơpă hlôi nhan noh athei adrin ho\k hơlen hơnơ\ng, ưh gơh hu\t le# dôm tơdra hri kon kông, tơmam pơdreh tơdra kon kông po. Mă năm tơ\ yơ duh ưh kơ hiơt tơm a hla chă kon kông po”

{ok Y -Nguk Niê (Aê Suang) tơ\ pơlei Huk B, xăh Cư̆ Mgar, apu\ng Čư̆ Mgar, dêh char Dak Lak jing minh lơ\m dôm nge# nhơ\n hơnơ\ng năm pơdăh atu\m hăm drăkăn nge# nhơ\n H’Ƀim tơroi, nge# nhơ\n H’Ƀim gơh rơgei, tơgop vei răk tơ[ăk mong joh ayo\ kon kông tơ\ pơlei pơla păng đei kon pơlei ku\p yom. {ok păng kon pơlei hmach bơnê hăm tơdrong tơgop tih tên đơ\ng nge# nhơ\n H’Ƀim: “Inh noh nge# nhơ\n 'lo\ xơnăm, mă lei ưh đei hri hiôk nhen nge# nhơ\n H’Ƀim. Đei lơ nge# nhơ\n 'lo\ xơnăm hlôi vih hăm yă [ok dơnơm bơih, nhôn noh chăl bơngai đơ\ng ro\ng ưh đei pơngơ\t kiơ hăm dôm tơdrong năm pơdăh um ai tơdra hri, ch^ng chêng kon kông po tơ\ ja#p pơlei pơla ataih je#”

{ok A Mang – Pho\ Kơdră Anih Joh ayo\ tơroi tơbăt apu\ng Cư̆ M’Gar, dêh char Dak Lak ăn tơbăt: tơ\ tơring dang ei duh oei minh [ar nge# nhơ\n joh ayo\ kră xơ\. Noh jing dôm bơngai dăp đon dăp bơnôh hăm joh ayo\ juăt jue kon kông po. Lơ\m noh đei yă  H’Ƀim Kƀuôr jing minh lơ\m dôm nge# nhơ\n ang hơdăh hloh: “Nge# nhơ\n H’Ƀim đei [ơ\r hri hiôk, lơ\m tơdrong hri đei nơ\r tơl tenh, [ơ\r hri rơnhang, păng lơ bơngai mơ\ng lăp kơ đon. Tơgop vei răk tơ[ăk mong, 'nguaih kơ ako\m pơdăh, pơlong joh ayo\ duh chă pơtho hri tơdra kră Êđê po nhen hri Eirei, hri Kưt.”

Mơ\ng nge# nhơ\n H’Ƀim Kƀuôr tơroi, nhem lăng dôm tơmam tanh păng mơ\ng yă jri tơdra kră xơ\ hăm [ơ\r hri hiôk 'ngam, kon pơlei lơ\m pơlei băt hloi găh tơdrong 'lơ\ng tơdrong tro\. Đơ\ng noh, lăp hloh păng tơg^t vei răk tơ[ăk mong um ai joh ayo\ kơ hơdrung hơdre\ch kon kông po.

Lan chih păng pơre nơ\r