Dơ̆ng mă mônh jei kơ Hnam trưng Đại học Đà Lạt; dơ̆ng mă 2 ‘noh khŭl đă ƀŏng lŏng kơ Hnam trưng Đại học Tây Nguyên; dôm khŭl Cao đẳng Cộng đồng Kon Tum dơ̆ng mă 3 păng Cao đẳng Bách khoa Tây Nguyên dơ̆ng mă 4.  Kiơ̆ hơlen lăng đơ̆ng Anih pơgơ̆r, mă đơ̆ng ‘nâu jĭ tơdrong pơ long đă ƀŏng lŏng pơchơt ‘măng mă blŭng đei pơgơ̆r tơ̆ dôm dêh char Tây Nguyên, mă lei đă tôch kơ hơiă; 1 ‘măng pơ long sơng đei kơ hrĕng, rơ bâu ‘nu tơmoi truh tơ̆ Hnam pơ long đă ƀŏng lŏng tơ plŏng kơ dâu dêh char Dak Lak lăng pơ long đă ƀŏng lŏng.

Tơ̆ lêh pơtôch, hơdai hăm pơjao cúp, jên hơpăh, mê đai păng dôm tơmam hơpah nai ăn kơ dôm bơngai pơ long đă ƀŏng lŏng, dôm khŭl iŏk đei jơnei tơ̆ pơlong, Anih pơgơ̆r păng Bơngai tơgŭm hlôi pơjao 27 kơ suơ̆t hŏk ƀŏng, 1 kơ suơ̆t đei kơ jă 5 triệu hlak jên ăn 27 sinh viên dôm hnam trưng vang pơlong hlôi iŏk đei jơnei lơ̆m hŏk pơhrăm kŭm nhen tơ̆ 1,2 tơdrong nai hai.