VOV4.Bahnar - pơ gê 22/3, tơ̆ Hà Nội, Trung ương Đoàn TNCS Hồ Chí Minh pơ gơ̆r hơ păh tơ mam ăn tơ drong thi pơ chĕh Hop akŏm Đoàn lơ̆m tĕh đak ‘măng mă 12 păng roi tơ ƀôh um rup tơ băt ăn Hop akŏm. Tơ drong thi pơ chĕh um rup tơ băt ăn Hop akŏm Đoàn lơ̆m tĕh đak ‘măng mă 12 tơ lĕch đơ̆ng ‘năr 29/10/2021.

Đơ̆ng rŏng hlŏh 1 khei tơ lĕch, tơ drong thi sơng đei hlŏh 200 ‘nu bơ ngai hăm 368 tŏ um rup vang thi. Anih pơ gơ̆r rơih hơ păh 1 yaih như̆k, 1 yaih 2, 1 yaih 3, 4 yaih pơ čhơp jơ hngâm păng 1 ‘nu bơ ngai đei lơ um rup vang thi. Lơ̆m nŏh yaih như̆k đei hơ păh ăn Vũ Hồng Quân, tơ̆ Hà Nội. Kiơ̆ Bí thư Trung ương Đoàn TNCS Hồ Chí Minh Nguyễn Tường Lâm: Logo iŏk đei yaih như̆k gô đei rơih pơm um rup tơ băt ăn Hop akŏm Đoàn lơ̆m tĕh đak ‘măng mă 12 păng đei roi tơ băt lơ̆m radio, tivi, mang tơ pôl đơ̆ng ‘năr 22/3.

Dơ̆ng: Tơ blơ̆