Hơlen lăng hơdrol Tơdrong joh ayŏ “Pran kơtang pơdrŏng đơ̆ng đak dơsĭ pơlei pơla”
Thứ bảy, 10:30, 12/08/2023
VOV/Lan tơblơ̆
VOV/Lan tơblơ̆
VOV4.Bahnar – Kơmăng 'năr brei (11/8), tơ̆ Dơnŏk duk linh Nha Trang, dêh char Khánh Hoà, Jơnŭm pơgơ̆r Tơdrong joh ayŏ “Pran kơtang pơdrŏng đơ̆ng đak dơsĭ pơlei pơla” pơgơ̆r hơlen lăng hơdrol vă pơgơ̆r joh ayŏ, hơlen tôm tơdrong hơmet tơnăp vă tơdrong joh ayŏ pơtơm ah kơmăng âu năr 12/8 gơh đei jơnei keh kong.
'Nâu jing tơdrong joh ayŏ kăp gĭt kơ teh đak, tih hloh đơ̆ng sơ̆ truh dang ei, akŏm kơ hrĕng bơngai jang joh ayŏ mă đe ư ang păng đei lơ bơngai mơ̆ng lăng lơ̆m jâ̆p teh đak tơrĕk truh.
Ngê̆ sih ưu tŭ Doãn Trường Nguyên, Kơdră Ƀan Âm nhạc (VOV3), Rađiô nơ̆r pơma Việt Nam, pơgơ̆r gah tơdra hơri kơ Tơdrong joh ayŏ "Pran kơtang pơdrŏng đơ̆ng đak dơsĭ pơlei pơla” , âu jing tơdrong joh ayŏ pơtruh ăn bơngai mơ̆ng lăng gah đon 'mêm kơ đak dơsĭ, achon teh, tơdrong pơgơ̆r kơdih kơ kon pơlei hăm đak dơsĭ, achon teh păng pơm pơdrŏng đơ̆ng đak dơsĭ gô đei tơbang kiơ̆ tơdra hơri, um rŭp păng dôm tơdrong tơroi gah hơrih sa.
Viết bình luận