Khul gô hơlen lăng dơ̆ng tơ̆ Cham hơgơp apŭng plenh teh UNESCO Đăk Nông đơ̆ng dang ei truh năr 30/6 âu kơnh. Đơ̆ng rŏng kơ năm hơlen, khul juăt jang gô hop akŏm hăm Anih jang vei lăng kon pơlei dêh char Đăk Nông.

Lơ̆m tơdrong hơlen xơkơ̆t dơ̆ng dôm anih tơrĕk truh Cham hơgơp apŭng plenh teh UNESCO Đăk Nông, khul juăt jang gô chiha kŏm tơdrong kăl băt lơ tơdrong. Đơ̆ng noh, rim bơngai juăt jang tơlĕch nơ̆r tơgop, vă pơm hơtŏk hloh dơ̆ng Cham hơgơp apŭng plenh teh UNESCO Đăk Nông. Tơdrong đei yua đơ̆ng hơlen xơkơ̆t dơ̆ng kơ Cham hơgơp apŭng plenh teh  UNESCO Đăk Nông gô đei Jơnŭm jang găh Cham hơgơp apŭng plenh teh pơma đam păng drơ̆ng nơ̆r ăh khei 11/2023.