Hop akŏm sơng đei lơ bơ ngai juăt jang, bơ ngai hŏk jrŭ, dôm bơ ngai tơ chĕng hơ len găh Việt Nam tơm kơ tĕh đak Nga păng đe bôl boăl sinh viên Nga hưch ‘mêm kơ tơ drong jŏh ayŏ kơ dŏ xoang Việt Nam. Hop akŏm pơm 3 ‘măng, hăm 14 ƀai chih tơ blang kiơ̆ trong pơ gơ̆r kơ tă păng trư̆k tuyê̆n. Dôm bơ ngai juăt jang, bơ ngai hŏk jrŭ pơ ma găh tơ drong chih pơ đơ̆k, jơ hnơr arih, nơ̆r pơ ma, chă hơ len năng tơ mam kră sơ̆, păng tơ drong lui khop tơ̆ Việt Nam.

Jơ hop akŏm pơ ma găh tơ drong jŏh ayŏ kơ dŏ xoang ‘lơ̆ng hơ iă kơ Việt Nam tơ̆ Nga

Tơ̆ hop akŏm, Giáo sư, Tiến sĩ khoa hŏk Vladimir Mazyrin, Kơ dră chĕp kơ̆l Anih tơ chĕng hơ len Việt Nam păng ASEAN ăn tơ băt, hop akŏm sơng đei lơ bơ ngai hŏk jrŭ, bơ ngai juăt jang păng dôm bơ ngai tơ rĕk truh tơ drong jŏh ayŏ kơ dŏ xoang Việt Nam. Giáo sư Mazyrin pơ ma hơ dăh, hop akŏm tơ gŭm ăn lơ bơ ngai Nga roi hlôh vao ƀiơ̆ găh dôm tơ drong ‘lơ̆ng hơ iă đơ̆ng jŏh ayŏ kơ dŏ xoang, tĕh đak păng kon bơ ngai Việt Nam.