Jĭ hơnih tơ-‘ngla hnam, pơlei tơm Buôn Ma Thuột hlôi pơgơ̆r jơnei 16 lơ̆m 18 tơdrong pơgơ̆r tơm pơm Lêh chehphe Buôn Ma Thuột ‘măng mă 8 sơnăm 2023.

Dôm tơdrong jang kiơ̆ kơ Pơm lêh nhen: Năr pơgơ̆r joh ayŏ kơdŏ soang, đă ƀŏng lŏng tơplŏng kơdau kon kông pơlei tơm Buôn Ma Thuột; Tơ iung pơjing tơdrong pơgơ̆r App Chehphe păng Tơmang pơhiơ̆; Pơgơ̆r jang hơdrơ̆r pơm đak chehphe ăn kơ đe huch đĕch tơ̆ rim trong Phan Đình Giót; Chă hơvơn hơnih tĕch mơdro chehphe lơ̆m pơlei tơm vang iung jang chă pơm đak chehphe ăn kơ đe huch đĕch lơ̆m jơ ‘năr pơgơ̆r Pơm lêh ... jei đei pơlei tơm Buôn Ma Thuột tơlĕch jang keh đang, pơm ăn tơmoi păng kon pơlei lơ̆m tơring hôn bơnê. Tơdrong kăl lơ̆m rim tơdrong pơgơ̆r jang kiơ̆ Pơm lêh chehphe Buôn Ma Thuột ‘măng mă 8 kơ pơlei tơm ‘noh jing pơlei tơm hlôi hơvơn đei vă jê̆ 380 hơnih jang, hơnih mơdro sa tơ̆ 21 tơring phương vang iung jang Năr Pơm lêh chehphe huch đĕch, kphô̆ yak jơ̆ng huch đĕch chehphe hăm hloh 250.000 kơchơ̆k đak chehphe ăn huch đĕch tơ̆ Pơm lêh chehphe Buôn Ma Thuột ‘măng mă 8, lơ̆m khei năr kơnh, pơlei tơm gô rơ̆ih năr 10/3 rim sơnăm ‘noh jing năr ăn huch đech chehphe tơ̆ Buôn Ma Thuột, lăng truh tơ iung pơjing Buôn Ma Thuột jing pơlei tơm kơ chehphe apŭng plĕnh teh.