VOV4.Bahnar - Dêh char Dak Nông tŏk bŏk iung jang kơtang hơmet ăn Hop akŏm apŭng plĕnh tĕh găh hơgơ̆p kông ŭnh ‘măng mă 20 (ISV 20) gô pơgơ̆r lơ̆m vă đĭ giĕng au, hăm đei vang năm đơ̆ng đĭ đăng rim tĕh đak lơ̆m khŭl bơ̆ jang Cham pơgar groi tĕh kơ plei tĕh UNESCO.

Hơmŏ atŏk tơ iung tơmang pơ hiơ̆ đơ̆ng hơgơ̆p kông ŭnh Cham pơgar groi tĕh kơ Plei tĕh UNESCO Dak Nông

Kiơ̆ vă jang, Hop akŏm apŭng plĕnh tĕh găh hơgơ̆p kông ŭnh ‘măng mă 20 (ISV 20) gô pơgơ̆r đơ̆ng năr 22-26/11/2022. Rim tơdrong pơgơ̆r hop akŏm, pơma dơnŭh, pơdă păng tơƀô̆h tơbăt, pơtrŭt tơmang pơ hiơ̆ gô đei pơgơ̆r tơ̆ Hơnĭh tơm Hop akŏm dêh char Dak Nông. Kiơ̆ đơ̆ng yă Tôn Thị Ngọc Hạnh, Kơ iĕng Kơdră chĕp pơgơ̆r Dơnŏ anĭh vei lăng kon pơlei dêh char Dak Nông, tơdrong chĕp pơgơ̆r Hop akŏm Apŭng plĕnh teh găh Hơgơ̆p kông ŭnh ‘nŏh jing jơ rơvơn vă dêh char tơƀô̆h tơbăt um rup Cham pơgar groi tĕh kơ Plei tĕh UNESCO Dak Nông năm bôl boăl lơ̆m apŭng plĕnh tĕh. ‘Nau jei jing jơ ‘năr vă dêh char atŏk kơtang chă tơchĕng hơlen khoa hŏk găh hơgơ̆p kông ŭnh, tơgop vei răk tơ ƀăk mong păng iung jang jơnei rim hơnĭh gru gra gĭt kăl dăr sơnăm apŭng plĕnh tĕh kơ tơring.

Tơblơ̆ nơ̆r: Amazưt