VOV4.Bahnar - ‘Măng pơ long tơ gar đă mơ̆t pơ tôch Futsal HDBank pran hloh kơ teh đak 2022 pơ tơm pơ jei băl tơ̆ pơ lei tơm Đà Lạt (Lâm Đồng) lơ̆m năr ‘nâu (1/6). Rim tơ drong jang hơ met ăn pơ long hlôi đei Khŭl pơ gơ̆r păng anih jang kơ pal kơ dêh char Lâm Đồng tơ lĕch jang đang đĭ bơih. Pơ long Futsal HDBank pran hloh kơ teh đak 2022 đei 11 khŭl vang pơ long. Khŭk pơ gơ̆r hơ nơ̆ng tơ mơ̆t yua trong pơ long klăih song pơm 2 jăl jang vă hơ tŏk tơ drong pơ jei băl, tơ drong hơ iă păng ‘lơ̆ng đơ̆ng dôm ‘măng pơ jei. Jăl jang 1 (đă tơ gar băl mơ̆t đă pơ tôch) pơ gơ̆r đơ̆ng ‘năr 1/6 truh ‘năr 9/6, hăm 5 khŭl vang pơ long. Dôm khŭl âu gô pơ jei băl 1 ‘măng vă jô̆ điêm, pơ rĕng hơ tuch hơ drol. Lơ̆m noh, 4 khei đei dơ̆ng kơ jung hloh vang pơ long jăl jang 2 kơ ‘măng pơ long. Jăl jang 2 đei 10 khŭl vang pơ long pơ dăr băl đei 2 ‘măng đă hơ lơ̆k dơ̆ng. Lơ̆m noh, đă hơ drol pơ gơ̆r đơ̆ng ‘năr 13/6 truh ‘năr 4/7 tơ̆ hơ nih pơ tâp pơ hrăm păng pơ long đă ƀŏng lŏng tơ plŏng kơ dâu dêh char Lâm Đồng, đă hơ lơ̆k dơ̆ng tơ chĕng hơ drol pơ gơr đơ̆ng ‘năr 5/11 truh ‘năr 26/11/2022 tơ̆ Hnam pơ long tơ plŏng kơ dâu Cần Thơ.

Thuem: Tơ blơ̆