Hăm hơnăn “Rơngei hiôk hian ăn kon bơngai”, gơmăng pơgơ̆r blŭng a DIFF 2023 hơnhăk ăn tơdrong pơgơ̆r ‘lơ̆ng hơ iă hăm 2 tơdrong pơgơ̆r sŏh kơmlăi pơkao kơ 2 khul Việt Nam păng Phần Lan pơjing đei rup ‘lơ̆ng hơ iă ăn tơdrong pơvei, tơgoăt tơgoăl păng rơngei hiôk hian.

Gơmăng pơgơ̆r blŭng a oei đei tơdrng pơgơ̆r joh ayŏ kơdŏ soang git kăl, tơgŭm ăn bơngai chă lăng ƀôh hơdăh dôm tơdrong oei sa ‘lơ̆ng hơ iă lơ̆m apŭng plĕnh teh,  lơ̆m tơdrong pơgơ̆r joh ayŏ kơdŏ soang. Iung pơma tơ̆ pơm lêh, ƀok Lê Trung Chinh, Kơdră chĕp pơgơ̆r Hơnih vei lăng kon pơlei kơ pơlei tơm Đà Nẵng pơma hơdăh: Pơm lêh soh Kmlăi pơkao Apŭng plĕnh teh jing tơdrong hưch hanh hơmanh bơnê kơ Đà Nẵng, adoi jing mĭnh tơdrong long vă pơlei tơm hơnơ̆ng atŏk tơ iung, atŏk kơtang ‘lơ̆ng hơ iă lơ̆m chĕp pơgơ̆r păng pơgơ̆r vă pơjing đei hơnăn Pơm lêh soh Kmlăi Pơkao Apŭng plĕnh teh Đà Nẵng roi năr roi tơgăl hăm tơdrong hơmĕng kơ rim bơngai. Lăp đơ̆ng rŏng pơgơ̆r blŭng pơm lêh ‘nŏh tơdrong pơgơ̆r soh kmlăi pơkao kơ Việt Nam.