Tơdrong pơlong đei 79 khul pơlong hăm 158 ‘nu pơlong lơ̆m teh đak, 1 khul đơ̆ng teh đak đe, vang pơlong hăm lơ kơluăi gre păng anih pơm tơlĕch gre. Hăm jên hơpah hloh 500 trĭu hlj, tơdrong pơlong đei asong lơ tăl nhen: vơ̆r ah anih teh krang hli, pơlong vơ̆r gre gơh hơgei hơbĕch hơbal. Tơdrong pơlong đei pơgơ̆r tơ̆ pơlei tơm Gia Nghĩa păng tơ̆ tơring bri Nâm Nung, xah Nâm N’Jang, apŭng Đak Song. Jơnŭm pơgơ̆r hlôi pơkăp 25 trong vơ̆r pơlong păng dôm anih ăn bơngai lăng hơlen.

Ƀok Hồ Anh Tuấn, Phŏ Kơdră Kâu lak ƀô̆ gre kơdâu kiơ̆ trong kông krang Sài Gòn, Kơdră Jơnŭm pơgơ̆r ăn tơbăt, tơdrong pơlong vă hơtŏk tơdrong tơplŏng kơdâu gah vơ̆r gre lơ̆m tơring teh kông krang hang nak lơ̆m teh đak. Tơdrong pơlong ưh hơdrô̆ akŏm đei dôm tơdrong hơ-iă ăn dôm bơngai lăp vơ̆r gre kiơ̆ trong kông krang hang nak mă âu jing trong hiôk vă hơtŏk jang tơmang pơhiơ̆ kơ tơring teh Đak Nông.