Kơsơ̆ au, năr, 27/07, khul đă ƀŏng lŏng kơ ƀok pơtho Mai Đức Chung tơƀơ̆p khul drŏ kăn đă ƀŏng lŏng Bồ Đào Nha, jei jing mĭnh khul tŏk bŏk hơmŏ sơng iŏk đei jơnei hơ iă hloh.

Grŭp E kơ World Cup drŏ kăn 2023 tŏk bŏk pơgơ̆r ƀlep trong tơlĕch ăn hơdrol kơ ‘noh. Khul iŏk đei jơnei apŭng plĕnh tĕh au ki ‘noh Mi păng Khul Dơ̆ng mă ƀar ‘noh Hà Lan jei iŏk đei jơnei păh ai lơ̆m ‘măng đă blŭng a. Lơ̆m mă noh ƀar khul Bồ Đào Nha păng Việt Nam oei tim mă đei điêm ayơ gô tơƀơ̆p dih băl lơ̆m 7 jơ 30 pơnĭt gơmăng (kiơ̆ jơ tơring) ‘noh jing 14h30 (kiơ̆ jơ Việt Nam) năr 27/7. Yak hloh jơhngơ̆m đon tơtăm “ưh kơ đei vĕ vă năm dơ̆ng”, rim drŏ kăn khul Bồ Đào Nha păng Việt Nam gô chă đă kơrŭn đĭ jơhngơ̆m, kơ yuơ ‘măng pơlong dih băl blŭng a tih tên hlŏh lơ̆m plei teh. Lơ̆m grŭp hơlen kơ FIFA, Bồ Đào Nha tŏk bŏk dơ̆ng mă 21, găh Việt Nam dơ̆ng mă 31, kơ yuơ lơ loh khul đă ƀŏng lŏng đơ̆ng châu Âu đei ư hơnhang pran hloh pơtêng hăm khul tang măt ăn Đông Nam Á.