Lơ̆m sơnăm au ki, Khul Jŏh ayŏ kơdŏ soang Đăk Lăk hlôi đei tơdrong jang ‘lơ̆ng hơ iă tơbăt rim năr lêh tih, tơdrong pơgơ̆r chĭnh trĭ kơ dêh char păng kơ lơ̆m teh đak.

Tơdrong kăl kơ tơdrong jang jŏh ayŏ kơdŏ soang sơnăm au ‘nŏh đei lơ ƀai chĭh vă jang kiơ̆ păng lang să ‘măng hơvơn Hŏk pơhrăm jơhngơ̆m đon ‘lơ̆ng kơ Ƀok Hô.Kiơ̆ kơ ‘nŏh, hlôi đei 150 ƀai chĭh găh tơdrong au đei in tơmơ̆t lơ̆m tạp chí Chư Yang Sin (tạp chí tơm kơ Khul Jŏh ayŏ kơdŏ soang Đăk Lăk). Tơ̆ hop akŏm, Khul Joh ayo kơdŏ soang Đak Lăk hlôi pôk ăn tơmam hơpăh Jŏh ayŏ kơdŏ soang sơnăm 2022 ăn 28 ƀai chĭh; pôk bơnê ăn rim bơngai đei ƀai chĭh ‘lơ̆ng hơ iă găh hơnăn “Hŏk pơhrăm păng pơm kiơ̆ jơhngơ̆m đon ‘lơ̆ng, bơ̆ jang hơgei kơ Ƀok Hô”.