Hăm hơnăn “Khul mơlôh Đăk Lăk yuk hơlâu pơm jang, hơpơi hơtŏk tơ-iung pơjing dêh char Đăk Lăk pơdrŏng ‘lơ̆ng rŏ, gơh hơgei, ƀenh kơ um ai joh ayŏ”, tơdrong pơlong kơ khul mơlôh Đăk Lăk akŏm lơ̆m dôm tơchơ̆t nhen: pơm kiơ̆ 120 tơdrong jang păng 1.200 tơdrong jang kơ đe hơdruh tơdăm vang pơjing tơring tơrang ‘nao păng tơring kơdrơ̆m gơh hơgei; Pơgơ̆r ăn 120.000 ‘nu đoan viên, hơdruh tơdăm vang akŏm Tơdrong pơlong hơlen băt gah “Hnưr hơrih 120 sơnăm tơ-iung pơjing, hơtŏk dêh char Đăk Lăk”.

Tơgŭm đoan viên, hơdruh tơdăm pơm kiơ̆ 300 tơdrong tơlĕch jang; tơgŭm pơtho tơdrong jang păng sek asong tơdrong jang ăn hloh 30.000 đoan viên, hơdruh tơdăm. Pơmai Phan Thị Trinh, Phŏ Ƀĭ thư Anih jang đoan dêh char Đăk Lăk ăn tơbăt, dôm tơchơ̆t pơlong adoi jing dôm tơchơ̆t tơm lơ̆m tơdrong jang đoan păng tơdrong jang hơdruh tơdăm lơ̆m sơnăm âu. Kiơ̆ đơ̆ng noh hơtŏk sơnong jang kơ anih jang đoan lơ̆m tơguăt tơguăl akŏm hơdruh tơdăm atŭm jơhngơ̆m hăm dôm tơdrong jang tơ-iung pơjing pơlei pơla.