VOV4.Bahnar - Kơdră chĕp pơgơ̆r Tĕh đak Nguyễn Xuân Phúc hlôi kĭ Tơdrong tơchơ̆t găh pôk ăn Mê đai jang pran kơtang gơ̆h hơgei ăn rim bơngai vang năm pơlong iŏk đei jơnei tơ̆ ‘măng pơlong Sea Games 31 au ki. Kiơ̆ kơ ‘nŏh, Kơdră chep pơgơ̆r Tĕh đak Tơchơ̆t pôk ăn Mê đai jang pran kơtang gơ̆h hơgei dơ̆ng mă Ƀar ăn 5 ‘nu bơngai pơlong iŏk đei jơnei tĭh tên tơ̆ ‘măng pơgơ̆r SEA Games 31: Nguyễn Huy Hoàng, Khŭl glơi đak kơ Tĕh đak, iŏk đei 5 Mê đai măih, glơi rĕnh hlŏh 2 ‘măng glơi rĕnh hơdrol tơ̆ SEA Games; Trần Hưng Nguyên, Khŭl glơi đak kơ Tĕh đak, iŏk đei 4 Mê đai măih, glơi rĕnh hlŏh 2 ‘măng glơi rĕnh tơ̆ SEA Games 31; Nguyễn Thị Hương, Khŭl Canoeing tĕh đak, iŏk đei 5 Mê đai măih; bơngai pơlong Nguyễn Thị Oanh, Khŭl kơdau tĕh đak, iŏk đei 3 Mê đai măih, kơdau rĕnh hlŏh 1 ‘măng kơdau rĕnh SEA Games. Kơdră chĕp pơgơ̆r Tĕh đak Nguyễn Xuân Phúc jei tơchơ̆t pôk ăn Mê đai jang pran kơtang gơ̆h hơgei dơ̆ng mă Pêng ăn 2 Khŭl păng 19 ‘nu bơngai iŏk đei jơnei tơ̆ pơgơ̆r SEA Games 31. Ƀar khŭl ‘nŏh đei: Khul drŏ nglo Đă ƀŏng lŏng U23 kơ tĕh đak păng Khŭl drŏ kăn Đă ƀŏng lŏng kơ tĕh đak, jei iŏk đei Mê đai măih tơ̆ ‘măng pơlong SEA Games 31.

Tơblơ̆ nơ̆r: Amazưt