Lơ̆m pơgơ̆r Pơm lêh chehphe ‘măng mă 8 sơnăm 2023, pơgê năr 10/3 tơ̆ Hpơnih tơm joh ayŏ dêh char Đak Lăk hlôi pơgơ̆r Jơnŭm kơchơ pơdă tơmam drăm chehphe. Tơ̆ au, Kŏng ty Grŭp jang mŭk drăm Mỹ Việt hlôi jing tơngla iŏk đei tơmam kăl hloh “Kơdŭng chehphe huch hloi tih hloh Việt Nam”.

Tiến sĩ Lê Doãn Hợp, Kơdră so chĕp pơgơ̆r Hơnih tơm vei lăng Kơtơ̆ng ang-Pơre nơ̆r, Kơdră chĕp pơgơ̆r Khul pơjing Hơnih jang tơmam tih kăl hloh Việt Nam hlôi pôk ăn ƀăng ki niêm chương đơ̆ng Hơnih jang tơmam tih kăl hloh Việt Nam ăn Kŏng ty Grŭp jang mŭk drăm Mỹ Việt. Ƀlep lơ̆m jơ ‘năr au, pơma tơbăt jơhngơ̆m đon hôn bơnê kơ rim ƀô̆ đô̆i prăt măng năr gak vei lăng groi teh kơ teh đak, Kŏng ty Grŭp jang mŭk drăm Mỹ Việt hlôi pôk ăn “Kơdŭng chehphe huch hloi tih hloh Việt Nam” au ăn kơ kang ƀô̆, ƀô̆ đô̆i kơđông Tam Hợp, apŭng Tương Dương, dêh char Nghệ An.