Ngê̆ sih Linh Nga Niê Kdăm hơnăn tơpă noh H'Linh Niê Kdăm, bơngai Ê Đê, rơneh xơnăm 1948 tơ̆ Việt Bắc. Đơ̆ng rŏng 25 xơnăm hŏk pơhrăm tơ̆ Tơring Tu, yă chôt vih Đăk Lăk, pơm jang tơ̆ Anih Joh ayŏ kơdŏ xuang kon kông dêh char hăm xơnong hơri hơxuang, vang akŏm pơdăh ăn kon pơlei tơring ataih yaih. Lơ̆m tơdrong chih pơcheh tơdra hơri, yă đei lơ ƀai hơri hơ 'nguơ̆u kơ tơring teh Tây Nguyên - Đăk Lăk, đei kon pơlei băt 'mêm.

Đơ̆ng rŏng kơ noh, yă jang Kơdră hnam trưng Kao đẳng Văn hoă ngê̆ thuơ̆t Đăk Lăk, kơtă pơtho tơdra hơri tơ̆ trưng. Lơ hnưr hŏk tro, sinh viên kơ yă hlôi đei iŏk jơnei lơ̆m tơdrong jang joh ayŏ, lơ̆m noh đei nhap NSND Y Moan Ênuôl păng nhak sih Y Phôn Ksơr.

Tơ̆ kơmăng akŏm tơdra hơri, đe đei tơmơ̆ng dôm ƀai hơri tơguăt hăm hơnăn ngê̆ sih Linh Nga Niê Kdăm păng hơlen lăng tơdrong pơma dơnuh đơ̆ng 3 nhak sih noh: Linh Nga, Nguyễn Cường păng Y Phôn Ksơr, băt hơdăh tơdrong dăp đon dăp bơnôh đơ̆ng đe xư 'măn ăn tơring teh păng tơdra hơri Tây Nguyên.