Tơdrong pơlong vă roi tơƀôh dôm tơmam sa ‘lơ̆ng, joăt joe kơ bơngai Xơ Đăng dang ei đei 95% kơ sô̆ kon pơlei apŭng Tu Mơ Rông păng pơcheh dơ̆ng dôm tơmam sa ‘lơ̆ng đơ̆ng dôm kơ loăi hla ‘long pơgang đei lơ̆m tơring, nhen sâm Ngọc Linh; sâm hro; ngũ vị tử. Ƀok Võ Trung Mạnh, Kơdră Anih vei lăng kon pơlei apŭng Tu Mơ Rông tơbăt, đơ̆ng rŏng Tơdrong pơlong tơmam pơm pai dôm tơmam sa ‘nao đơ̆ng sâm hro gô đei apŭng in jing hla ar roi tơƀôh hăm kon pơlei păng tơmoi.

Kiơ̆ đơ̆ng tơdrong pơlong, bơngai Xơ Đăng kơ apŭng hŏk pơhrăm đei lơ tơmam pơm pai tơmam sa đơ̆ng pơgang hla ‘long vă pơyua ăn tơmoi tơmang lăng pơm dơ̆ng jên iŏk yua hơtŏk ‘lơ̆ng tơdrong arih sa.