Pơma tơ̆ jơ pơm lêh pơih blŭng, Phŏ Kơdră vei lăng kon pơlei dêh char Kon Tum Nguyễn Hữu Tháp pơma hơdăh, dôm anih chih hla ar tơroi, kơmăy kơmŏk roi tơbăt kơ dêh char kŭm hăm bơngai tang măt ăn dôm anih chih tơdrong kơtơ̆ng ang, hla ar tơroi đơ̆ng Trung ương oei lơ̆m dêh char đei lơ tơdrong tơplĭh lơ̆m tơdrong jang chinh trĭ, hơtŏk đon hlôh vao ăn kon pơlei, tơgop ‘lơ̆ng ăn tơdrong jơnei găh jang atŏk tơiung mŭk drăm, tơpôl tơ̆ dêh char.  

Phŏ Kơdră vei lăng kon pơlei dêh char Kon Tum Nguyễn Hữu Tháp hơpơi ‘mĕh dôm anih chih tơdrong kơtơ̆ng ang, hla ar tơroi, kơmăy kơmŏk roi tơ băt hơnơ̆ng adrin hlŏh dơ̆ng vă chih đei lơ ƀai chih ‘lơ̆ng, hơiă; roi tơƀôh hơdăh tơdrong jang tŏk đơ̆ng dêh char; pôk pơ ư dôm bơngai chih hla ar tơroi; pơlung, tưk tơiung tơdrong chă đŏk hla ar tơroi đơ̆ng kon pơlei Kon Tum.