Kơsơ̆ năr 22/5 hlôi pơgơ̆r Pơm lêh hop akŏm Khul Tơmang pơhiơ̆ Măng Đen ‘măng mă I, jăl jang 2023- 2028. Khul tơmang pơhiơ̆ măng Đen ‘nŏh khul jang tơpôl-pơtho pơjing tơdrong jang đei vă jê̆ 45 ‘nu bơngai, đei pơjing ‘moi kiơ̆ tơdrong ‘meh vă đơ̆ng kon pơlei păng rim hơnih mơdro sa bơ̆ jang găh tơmang pơhiơ̆ tơ̆ apŭng Kon Plông, dêh char Kon Tum.

Khul bơ̆ jang ưh khan vă đei iŏk yua sa yuơ lơ, mă lei vă pơm hơnih tơm tơgoăt dih băl tơgum djru rim bơngai lơ̆m khul tơgoăt dih băl, jang hơdoi, tơgum djru dih băl vă atŏk bơ̆ jang đei jơnei, tơgop ăn tơdrong atŏk tơ iung atŭm kơ hơnih jang tơmang pơhiơ̆ păng sơđơ̆ng đei iŏk yua ‘lơ̆ng hơ iă ăn tơmoi tơmang pơhiơ̆ năm trŭh tơ̆ apŭng Kon Plông.