Tơ̆ tơdrong tơchơ̆t đơ̆ng Kơ dră tĕh đak, dêh char Kon Tum đei 15 ‘nu ngê̆ nhơ̆n đei pôk pơ ư hơnăn tĕh đak “Ngê̆ nhơ̆n rơgei”. Tơ̆ lêh pôk pơ ư, Dơ nŏ anih vei lăng kon pơ lei dêh char Kon Tum hlôi pơ jao Ƀăng chih hơ năn “Ngê̆ nhơ̆n rơgei” ăn 14 ‘nu ngê̆ nhơ̆n păng pơgơ̆r hơ păh hơnăn ngê̆ nhơ̆n rơgei ăn 1 ‘nu bơngai đĭ lôch bơih.

Kŭm hăm lêh pôk pơ ư hơnăn tĕh đak “Ngê̆ nhơ̆n rơgei” găh tơdrong tôn chĭng chêng, gơmăng ‘nâu Dơ nŏ anih vei lăng kon pơlei dêh char Kon Tum oei vă pơ gơ̆r pơtôch, hơpăh tơmam ăn tơdrong thi tôn chĭng chêng, hơxoang kơ dôm hơdrĕch kon kông dêh char Kon Tum ‘măng mă 1 sơ năm 2022.