Akŏm ƀăo Puih mak Giáp Thìn dêh char Kon Tum sơnăm 2024 pơdah tơbang truh bơngai lăng hloh 500 tơdrong chih ƀăo puih mak đơ̆ng jê̆ 80 Bơngai jang ƀăo lơ̆m jơ̆p teh đak, anih jang ƀăo chĭ lơ̆m păng ‘nguaih kơ dêh char. Pơma ah Lêh pơtơm, yă Y Ngọc, Phŏ Kơdră Anih jang vei lăng kon pơlei dêh char Kon Tum sơkơ̆t hơdah, dôm anih jang ƀăo, tơroi tơbăt kơ dêh char atŭm hăm tang măt ăn dôm anih jang tơroi tơbăt, ƀăo chĭ Trung ương pơm jang tơ̆ tơring teh kơ dêh char hlôi đei lơ tơplih lơ̆m tơdrong jang sơnong chĭnh trĭ, hơtŏk hlôh vao ăn kon pơlei, tơgop kăp gĭt ăn tơdrong jang hơtŏk mŭk drăm – tơpôl kơ dêh char.

Phŏ Kơdră Anih jang vei lăng kon pơlei dêh char Kon Tum, hơpơi ‘meh dôm anih jang tơroi tơbăt, ƀăo chĭ pơtoi hơdrin hloh dơ̆ng vă chih đei dôm ƀai chih ƀăo chĭ ‘lơ̆ng hloh; tơbang, sơkơ̆t hơdah tơdrong hơtŏk tơ-iung kơ dêh char.