Vă atŏk kơtang iŏk đei jơnei lơ̆m bơ̆ jang vei lăng, pơtrŭt tơmang pơhiơ̆ choh jang sa atŏk tơ iung, Lâm Đồng tŏk bŏk tĕnh koăng tơ iung pơjing trong pơkăp trŏ lăp hloh. Jô̆ truh dang ei, hơgăt teh atŏk tơ iung tơmang pơhiơ̆ choh jang sa kơ Lâm Đồng ‘noh hloh 300ha, hăm kon jên tơmơ̆t jang dang 377 ti hlak jên.

Kiơ̆ đơ̆ng Hơnih vei lăng Jŏh ayŏ kơdŏ soang-Đă ƀŏng lŏng tơplŏng kơdau păng tơmang pơhiơ̆ dêh char Lâm Đồng, tơmang pơhiơ̆ choh jang sa đei lang să kơtang păng hlôi jing trong jang hơvơn lơ tơmoi chă tơmang lăng. Kơ yuơ lơ loh, dêh char tŏk bŏk hơdrin pơtrŭt kơtang tơ iung pơjing jeh đang rim tơdrong pơkăp vă sơđơ̆ng ăn bơ̆ jang vei lăng, adoi pơjing rơvơn pơtrŭt kơtang trong tơmang pơhiơ̆ gĭt kăl au atok tơ iung kơjăp lơ̆m hơnô̆ hơnăp kơnh.