VOV4.Bahnar - Ƀlep ƀơ̆t tơ băt 77 sơ năm Năr Quốc khánh 2/9, kơ sơ̆ ‘năr 25/8, tơ̆ thị trấn Đinh Văn, apŭng Lâm Hà (Lâm Đồng), dêh char Lâm Đồng hlôi pơ gơ̆r pơ long dôm Kâu lak ƀô̆ joh ayŏ- kơ dŏ soang kră sơ̆ ‘măng mă I sơ năm 2022. Vang pơ long ‘măng âu đei hloh 260 ‘nu bơ ngai pơ long truh đơ̆ng 13 kâu lak ƀô̆ joh ayŏ - kơ dŏ soang kră sơ̆ kơ dêh char Lâm Đồng. pơ long vă pôk pơ ư păng hơ tŏk kơ jă kăp gĭt dôm kơ loăi joh ayŏ kră sơ̆ đơ̆ng hơ drĕch hơ drŭng Việt Nam pơ ma atŭm, dôm hơ drĕch kon kông dêh char Lâm Đồng pơ ma hơ drô̆.

Lâm Đồng pơ gơ̆r lêh pơ long dôm kâu lak ƀô̆ joh ayŏ - kơ dŏ soang kră sơ̆

Lơ̆m 2 năr, 53 tơ drong hơ ri pôk pơ ư kơ Đảng, ƀok Hồ ‘mêm kơ eng, hơ ri pôk pơ ư kơ tơ drong ‘mêm kơ pơ lei pơ la teh đak gô đei dôm kâu lak ƀô̆ pơ long kiơ̆ lơ kơ loăi nhen hơ ri brông, pơ đơ̆k, hơ ri pơ lung, tuồng, chèo, cải lương, tôn reh dôm kơ loăi tơ mam tôn reh kon kông....

Thuem: Tơ blơ̆