Atŭm hăm dôm tơdrong đei jơnei kăp gĭt, hop akŏm sơkơ̆t lơ̆m khei năr pơm kiơ̆ tơchơ̆t, rim tơring adoi oei lơ tơjruh. Mă kăl noh gah tơdrong pơgơ̆r jang đơ̆ng minh ƀar jăl jang pơgơ̆r tơ̆ tơring, tơdrong jang tơ̆ minh ƀar anih jang đảng, anih jang oei adar, tam mă trŏ hăm tơdrong đei tơ̆ tơring; tơdrong kơchăng đơ̆ng minh ƀar kan ƀô̆, đảng viên, kon pơlei tam mă tơnăp tôm tong.

Vă hơmet dôm tơdrong tơjruh âu, hop akŏm tơlĕch 10 sơnong jang akŏm pơm jang lơ̆m khei năr truh. Lơ̆m noh, tơrĕk truh tơdrong hơtŏk kơjă, sơnong jang păng tơdrong pran joh ayŏ, tơdrong plang đơ̆ng kan ƀô̆, đảng viên păng rim raih kon pơlei; pơjing kon bơngai đei đon bơnôh ‘lơ̆ng, hơrih xa dơnưp, tơguăt tôm kon pơlei, rơngei hiôk hian păng khua hŏk.