Hăm hơnăn “Lâm Đồng – Groi kông ‘lơ̆ng rŏ”, Giĕng chă tơmang lăng Lâm Đồng vă pơgơ̆r đơ̆ng ‘năr 27/4 truh ‘năr 3/5 âu kơnh tơ̆ dôm apŭng, plt lơ̆m dêh char. Lơ̆m nŏh, akŏm lơ tơ̆ plt Đà Lạt, hăm lơ tơdrong tôch hơiă nhen: Lêh jŏh hơri apŭng plenh tĕh; Anih pơdă roi tơƀôh tơdrong jŏh ayŏ kơdŏ xoang dôm hơdrĕch kon kông lơ̆m dêh char; Anih pơdă tơmam xa “Tơmam xa ‘lơ̆ng Đà Lạt”; Tơdrong pơdă um rup “Pơlei pơla – Kon bơngai Tây Nguyên – Tơring tơter đak dơsĭ kơ Tơring Tŏk bŏk”; Tơdrong hơri hơxoang kră sơ̆ păng hrŭk pơrŏ hơbăn ao tanh - “Tơdrong juăt ‘lơ̆ng kơ tơring Pơbăh Tây Nguyên.

Kiơ̆ yă Nguyễn Thị Bích Ngọc, Phŏ Kơdră Anih vei lăng jŏh ayŏ kơdŏ xoang, tơplŏng kơdâu păng chă tơmang lăng dêh char Lâm Đồng, Giĕng lêh măih Chă tơmang lăng sơnăm ‘nâu ‘nŏh jĭ tơdrong tơmât hơdai lơ tơdrong jŏh ayŏ kơdŏ xoang, tơplŏng kơdâu, pơjing đei tơmam chă tơmang lăng ‘nao pơvih ăn tơdrong ‘mĕh chă tơmang lăng đơ̆ng tơmoi lơ̆m păng ‘ngoăih kơ tĕh đak.