Lơ̆m tơdrong akŏm grasia dôm khôi soi ƀlŏk đei: plang hlôt nhang, sơng chơnang păng pơtơm chih tơƀlŏk hlôi đei pơgơ̆r kăp gĭt apinh sơđơ̆ng sơnêp ăn kon pơlei, teh đak gơh rơngei hiôk hian păng pơtho tơbăt tơdrong juăt jue "nhă đak ƀlŏk kơ tu", pôk bơnê kơ ƀok pơtao Trần- minh chăl pơtao gơh hơgei hloh lơ̆m jơhnơr hơrih kơ kon pơlei. Lêh pơtơm chih tơƀlŏk jing minh khôi juăt joh ayŏ kơ ƀok pơtao soi plang kơ Plenh Teh, yă ƀok dơnơm, tơbang đon bơnôh kŭp yom pôk bơnê kơ yă ƀok dơnơm hlôi tơ-iung pơjing păng vei lăng teh đak.

Puăn chư chih tơƀlŏk noh "Akŏm tơdrong ‘lơ̆ng tih" mă ƀok pơtao Trần pơsư̆ ăn kon sau noh ‘meh tôm kon pơlei pơlan să akŏm tơdrong ‘lơ̆ng, pơtho ăn kơ hrĕng kơtum kơtŏng vei răk đon bơnôh dơnưp ‘lơ̆ng, tôm tơdrong vă gơh sơnêp sơnua kơjăp đunh đai. Khôi plang hlôt nhang ăn dôm ƀok pơtao Trần đei pơgơ̆r tơ̆ anih soi ƀlŏk Thiên Trường kơyuơ Anih jang vei lăng kon pơlei pơlei tơm Nam Định pơgơ̆r. Đơ̆ng rŏng kơ noh khôi sơng chơnang chih chư tơƀlŏk, pơtơm đơ̆ng cham anih soi ƀlŏk Cố Trạch găn ‘măng jang tơm năm truh anih soi ƀlŏk Thiên Trường.