Kiơ̆ tơlĕch jang mă blŭng, akŏm lêh ăh năr 04/5, mă lei teh đak tơ-'ngla hlôi pơgơ̆r hrôih hloh, noh khul Tơplŏng kơdâu Việt Nam tam mă truh tôm. Khul Tơplŏng kơdâu Việt Nam năm pơlong SEA Games 32 hăm 1003 'nu, lơ̆m noh đei minh Kơdră khul păng 2 Phŏ kơdră. Khul Việt Nam năm pơlong 31 môn, 446 tơdrong kăl pơlong, tơlĕch tơchơ̆t đei iŏk đơ̆ng 90-120 mê đai măh tơ̆ SEA Games 32. Dôm xơnăm kơ âu, đơ̆ng rŏng kơ iŏk pơgơ̆r pơlong SEA Games, teh đak boăl hlôi pơtruh nơ̆r hăm Anih jang Olympic lơ teh đak lơ̆m tơring vă gơnơm tơgŭm. Nhen lêh chô̆ hơtŏk hla kơ SEA Games 'nao đei pơgơ̆r adoi đei tơdrong tơgŭm đơ̆ng Malaysia. 'Nguaih kơ noh, găh Jơnŭm pơgơ̆r teh đak tơ-'ngla adoi tơrĕk hăm lơ khul tơplŏng kơdâu châu Á vă hŏk hơlen tơdrong hlôh vao lơ̆m tơdrong pơgơ̆r pơlong.