Tơdrong mă âu noh jing khôi pơkăp lêh ăn tơdrong truh akŏm tôm kơ khul tơplŏng kơdâu tang măt ăn 11 teh đak Đông Nam Á vang năm pơlong ASEAN PARA Games. Kiơ̆ tơroi đơ̆ng Jơnŭm pơgơ̆r pơlong, rim teh đak đei 30 'nu pơlong, bơngai vang akŏm lêh Hơtŏk Hla kơ. Pơlong tơplŏng kơdâu bơngai hơven hơvo Đông Nam Á (ASEAN Para Games 12) gô đei pơgơ̆r tơ̆ Campuchia lơ̆m dôm năr đơ̆ng 3-9/6. Kiơ̆ kơtơ̆ng ang đơ̆ng teh đak pơgơ̆r pơlong, ASEAN Para Games 12 đei 2600 teh đak vang truh pơlong, lơ̆m noh đei 1400 bơngai pơlong truh đơ̆ng 11 teh đak tơring Đông Nam Á. Rim bơngai pơlong tơ̆ dôm môn kơdâu trong ataih, teh xŏk iĕr, boccia, pơlong kơ pơtao, kơdăh ƀơlŏng 5 'nu, kơdăh ƀơlŏng 7 'nu, judo, dêk tă, glơi, teh ƀŏng ƀan, teh ƀơlŏng, pơlong hao gre lơ̆m drŭt, E-sport. Năr 31/05, Khul tơplŏng kơdâu kơdâu bơngai hơven hơvo Việt Nam hlôi năm truh Campuchia vă akŏm Pơlong hăm 159 'nu, lơ̆m noh đei 16 kang ƀô̆ đoan, 21 bơngai pơtho păng 122 'nu pơlong tơ̆ 8 môn tơplŏng kơdâu noh kơdâu trong ataih, glơi, dêk tă, teh xŏk iĕr, kơ pơtao, judo păng boccia.