'Nâu jing tơdrong kăp gĭt tơrĕk truh tơbăt 50 xơnăm iung jang tơbôl Việt Nam – Nhâ̆t, tơgop pôk pơ-ư tơdrong 'lơ̆ng rŏ lơ̆m joh ayŏ juăt jue, tơdrong jang tơbôl kơjăp kơ ƀar teh đak, đơ̆ng dêh char Hà Nam păng dôm tơring, Anih jang kơ teh đak Nhâ̆t. Tơ̆ jơ lêh, Kơdră Kuôk hô̆i Vương Đình Huệ hlôi tang măt ăn Kơdră Đảng, Khul Kơpal teh đak pơjao Tơchơ̆t 2 tơmam kăp gĭt kơ teh đak ăn dêh char Hà Nam. Noh jing Tơmam gĭt kơ teh đak noh Hlak tơmo chrăh hnam chua Giàu (xăh Đinh Xá, pơlei tơm Phủ Lý) păng Tơmam gĭt kơ teh đak noh Hơgơ̆r kong Tiên Nội 1 (lơ̆m akŏm 16 tŏ hơgơ̆r tơ̆ Anih pơdăh tơmam xo dêh char Hà Nam). Atŭm hăm noh, Anih tơm Joh ayŏ, Tơplŏng kơdâu păng Tơmang pơhiơ̆ hlôi pơjao tơchơ̆t pơkăp Anih gru grua kơ hnưr erih kơ teh đak hăm 4 anih gru gra tơ̆ Hà Nam.