Đĭ jing tơdrong juăt, lơ̆m ‘năr 7 khei 1 âm rim sơnăm, lơ kon pơlei păng tơmoi chă tơmang lăng năm truh tơ̆ anih chă tơmang lăng Ko Tam, lơ̆m plt Buôn Ma Thuột, dêh char Dak Lak vang pơm lêh sơng Yă Tơm dơnơm Âu Cơ păng hơtol tơdrong hơpơi ‘mĕh kơpal ‘long hơpơi dôm tơdrong ‘lơ̆ng lơ̆m sơnăm ‘nao. Ƀlep ƀât ‘măng mă âu, tơ̆ lơ apŭng, xăh lơ̆m dêh char Dak Lak kŭm pơgơ̆r lơ tơdrong jŏh ayŏ kơdŏ xoang, et soi ƀât blŭng pơyan Puih mak ‘năi:

Nhen lêh Tơjur gơ̆ng kơ bơngai Mường tơ̆ xăh Hòa Sơn, apŭng Krông Bông; Lêh Jur jang chŭn kơ bơngai Tày, Nùng tơ̆ apŭng Cư Mgar; Lêh thi hao thŏng nan tơ̆ apŭng Krông Ana; Lêh jŏh ayŏ kơdŏ xoang kơ dôm hơdrĕch kon kông tơ̆ apŭng Ea Kar ‘măng mă II, sơnăm 2023. Kiơ̆ yă Nguyễn Thụy Phương Hiếu, Phŏ Kơdră Anih vei lăng jŏh ayŏ kơdŏ xoang, tơplŏng kơdâu păng chă tơmang lăng Dak Lak, dôm tơdrong jang, jŏh ayŏ kơdŏ xoang sơnăm ‘nâu đei pơgơ̆r prăt khei mônh tơ̆ lơ apŭng, thĭ xăh lơ̆m dêh char.