Vang năm akŏm tơroi tơmam xa hơdrung kon kông tơring Tây Nguyên đei khul ngê̆ nhơ̆n kơ 4 lơ̆m 5 dêh char noh: Kon Tum, Gia Lai, Đăk Lăk păng Lâm Đồng. Hăm tơdrong kơdih chă pai xa tơmam xa juăt jue, đe ngê̆ nhơ̆n kơ 4 khul hlôi tơbang dôm tơmam xa, đak nhă kăp gĭt kơ hơdrung kon kông po.

Mă lơ hăm hloh 10 tơmam xa lơ̆m rim kơmang por ‘nhot, kon pơlei păng tơmoi đei sŏng xa dôm tơmam xa juăt jue kơ bơngai K’Ho tơ̆ dêh char Lâm Đồng truh tơ̆ bơngai Giẻ- Triêng tơ̆ dêh char Kon Tum. Hơ-iă hloh noh tơmam pai xa dôm tơmam xa âu mă tơm đe ngê̆ nhơ̆n hơmet tơnăp păng mă lơ noh đei kơdih lơ̆m cham char.

Atŭm hăm dôm tơmam xa, đak nhă juăt jue, nhen por prung, iĕr ƀuh pơhang, tơdrô ge... minh ƀar khul ngê̆ nhơ̆n oei lui ngeh tơbang dôm tơmam xa đei pai đơ̆ng dôm tơmam drăm OCOP kơyuơ kon pơlei tơ̆ dôm thôn pơlei pơtăm đei.