‘Nâu jĭ tơdrong jang rim sơnăm đơ̆ng Anih tơm vei lăng găh mơ dro sa, kơ măy kơ mŏk vă jang kiơ̆ ‘Măng krao hơ vơn “Bơ ngai Việt Nam yua tơmam Việt Nam” yua đơ̆ng Anih tơm Chĭnh trĭ tơlĕch jang. Hăm nơ̆r pơma Pơ jing cham char tơpôl jang mơ dro sa pơm tơ lĕch, tĕch mơ dro tơ mam Việt Nam, lêh “ Chhôk ‘nă tơmam Việt Nam- Tơmam ‘lơ̆ng đơ̆ng Việt Nam” sơnăm ‘nâu đei lơ tơdrong ‘nao, hăm lơ tơdrong jang tơ klep dôm anih jang mơdro sa, hơp tak xăh, ŭnh hnam kon pơlei jang chŭn mir pơm đei cham char tơpôl jang mơ dro sa pơm tơ lĕch, tĕch mơ dro tơmam Việt Nam.

Kơ deng tơmam tĕch tơbôh tơmam Việt Nam ‘lơ̆ng 2022

Lêh đei tơdrong tơgop muh măt đơ̆ng vă jê̆ mĭnh hrĕng anih jang truh đơ̆ng dôm grŭp jang pơm tơ lĕch, tĕch mơ dro, dôm hơp tak xăh, ŭnh hnam pơm tơlĕch iĕ hơnhăk truh tơmam Việt ‘lơ̆ng, lơ kơ loăi. 13 sơnăm âu ki, Anih tơm vei lăng găh mơdro sa, kơ măy kơ mŏk hlôi ling lang krao hơ vơn rim răih kon pơlei lơ̆m tơpôl yua tơmam Việt Nam păng tơgŭm, krao hơ vơn anih jang mơdro sa hơ drin tơmơ̆t jên jang, pơm tơlĕch, pơtruh tơmam ‘lơ̆ng. Yua thoi noh, kơ sô̆ tơmam Việt Nam tơ̆ anih tĕch mơdro ‘nao lơ̆m teh đak ling lang đei đơ̆ng 80% - 90% păng hloh 60% tơ̆ dôm kơchơ joăt joe.