‘Nâu jĭ 1 tơdrong jang năm truh ‘măng tơbăt 120 sơnăm Năr pơjing dêh char Đắk Lắk. Tơdrong jŏh ayŏ kơ dŏ xoang đei pơgơ̆r tơ̆ hơla tơm ‘long Pơgang tôch tih lơ̆m Pơgar Hnam Biệt Điện Bảo Đại, plt Buôn Ma Thuột.

Ƀrŭng ƀrăng unh tơ̆k pơchrang, ƀĕnh jơva re tôch hơiă, bơngai năng đei năng tơdrong joh hơri hơxoang, hrŭk pơguăng hơbăn ao tai, hơdai hăm hơbăn ao tanh kơ dôm hơdrĕch bơngai Rađe, Bahnar, Jarai…yoa bơngai juăt čhơ̆ hơbăn ao Đặng Thị Minh Hạnh pơm. Tơdrong joh ayŏ đei pơgơ̆r tôch hơiă, tơƀôh dơ̆ng dôm tơdrong jang xa nhen tanh khăn, tang hơkăt, chrah mul, pơm bô̆i… Tơdrong ‘nâu oei vang tơgop roi tơƀôh um rup plt Buôn Ma Thuột pơdrŏng, ‘lơ̆ng rŏ, đei lơ bri ‘long, tơdrong juăt so, vang tơgop pơjing, tưk tơiung tơdrong tơguăt đĭ đăng hơdrĕch hơdrung tơ̆ dêh char Đắk Lắk.