Đei pơgơ̆r đơ̆ng dang ei truh đĭ năr 10/11 tơ̆ Anih Pơdah tơmam so Đak Lăk, Pơdah tơbang 200 um rŭp kơ 87 bơngai phĭn chŭp, đei rơih iŏk đơ̆ng kơ rơbâu um rŭp đơ̆ng dôm bơngai juăt phĭn chŭp lơ̆m jơ̆p teh đak. Um rŭp tơƀôh đei dôm tơdrong joh ayŏ kăp gĭt kơ 54 hơdrung bơngai kon kông Việt Nam, đơ̆ng khôi juăt, đon lui, tơdrong hơrih xa, hơbăn ao hrŭk păng khôi et xa.

Kiơ̆ đơ̆ng noh, vă hơtŏk pơ-‘lơ̆ng tơdrong hơrih tơguăt hăm pơtoi vei răk dôm kơjă joh ayŏ kơ kon pơlei, lơ̆m noh asong mă hơdrol ăn dôm hơdrung bơngai kơtuei bơngai. Atŭm hăm noh keh đang, akŏm um rŭp ‘lơ̆ng, kăp gĭt gah 54 hơdrung bơngai kon kông Việt Nam vă tơbang, ră tơbăt lơ̆m dôm tơdrong akŏm tih, dôm tơdrong akŏm joh ayŏ lơ̆m păng ‘nguaih kơ teh đak.