Pơdă rup joh ayŏ Đắk Lắk - Akŏm ƀĕnh tơdrong ‘lơ̆ng hơiă
Thứ bảy, 07:00, 02/11/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê (1/11), Khŭl Joh ayŏ Kơdŏ soang dêh char Đắk Lắk pơgơ̆r lêh pơjao tơmam hơpăh păng pơgơ̆r pơdă rup joh ayŏ "Đắk Lắk - Akŏm ƀĕnh tơdrong ‘lơ̆ng hơiă” sơnăm 2024, kơkuh chơt hơiă 120 sơnăm pơjing dêh char Đắk Lắk.
Hloh 6 khei tơlĕch jang, đĭ đei vă jê̆ 120 ‘nu bơngai pơcheh lơ̆m teh đak gơih vang pơlong vă jê̆ 900 hlak rup hơdrô̆ păng rup akŏm.
Khŭl pơgơ̆r hlôi hơlen lăng, rơih iŏk 120 hlak rup pơdă tơ̆ Cham să 10/3, pơlei tơm Buôn Ma Thuột đơ̆ng dang ei truh đĭ ‘năr 8/11 truh kơnh. Tơ̆ tơdrong jang, Khŭl pơgơ̆r hlôi pơjao 13 jơnei hơpăh ăn kơ 8 ‘nu pơcheh đei rup ‘lơ̆ng hloh lơ̆m ‘măng pơlong. Pơjao 8 jơnei găh tơdrong jang păng rơih iŏk ăn dôm rup ‘lơ̆ng hơiă.
Viết bình luận