Ming pơdă tơmam so, tơmam choh jang kơ kon pơlei Tây Nguyên
Thứ tư, 08:24, 06/12/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pơgê brei 5/12, tơ̆ Cham xă Đại Đoàn Kết, plt Pleiku, Anih vei lăng kon pơlei dêh char Gia Lai pơgơ̆r tơdrong “’Lơ̆ng rŏ tơring Tây Nguyên-Gia Lai”.
Pơgơ̆r truh đĭ ‘năr 31/12/2023, Tơdrong ‘nâu vă roi tơbăt ăn tơmoi chă tơmang lăng rơbâu tơ̆ tơmam so, tơmam yoa, tơmam choh jang đơ̆ng kon pơlei Tây Nguyên yoa bơngai mong akŏm tơmam so Đặng Minh Tâm chă mong.
Dôm tơmam so đei ming pơdă kiơ̆ 6 grŭp ‘nŏh: Tơmam tôn reh, tơmam chă hơngoang, không tanh brai, tơmam vă soi kơyang, kong, hơle, hơnam păng dôm tơmam nai lơ̆m tơdrong arih xa kơ kon pơlei kon kông Tây Nguyên. Dôm tơmam đei ming pơdă kiơ̆ trong tơƀôh ăn tơmoi truh lăng vă băt rim tơmam. Lơ̆m khei ‘năr pơgơ̆r âu mơ̆n, dôm tơmam gô đei rơih vă tơmât lơ̆m hlŏh 30 rơbâu tơmam so Tây Nguyên yoa Đặng Minh Tâm mong akŏm đei.
Viết bình luận